Antonio Mercero - Museo birtuala

Herrietako festen bidez, herritarren alde gizatiarra eta soziala erakustea da La Fiesta telesailaren helburua. Lan “erraza” zela aipatu izan zuen Antonio Mercerok behin baino gehiagotan, eta telesailari esker Espainia ezagutzeko aukera izan zuela.

ikusi

Futbol zale amorratua zen Antonio Mercero. Historicos del Balompie saioari esker, gertutik ezagutu zituen erreferentetzat zituen futbolariak.

ikusi

Umorea erdigunean jarriz, eta mundu mailako bakea lortzeko helburuz, nazioarteko ordezkarien bilera bat irudikatzen duen telesaila da.

ikusi

Telebistan izan zuen lehen arrakastatzat jo daiteke. Espainiako Foruetan oinarritutako herri eredugarri baten egunerokoa da saioaren trama nagusia. Zuzendari ez ezik, aktore lanetan ere aritu zen Cronicas de un Pueblo saioan. Polemika eta gatazka ideologikoak tarteko, utzi egin zuen postua urtebeteren buruan.

ikusi

Antonio Merceroren obra garrantzitsuenen artean sailka daiteke La Cabina. Drama surrealistako telefilma da, 1972an estreinatutakoa. Nazioarteko Emmy Saria eskuratu zuen obra honi esker.

ikusi

“Kutsaduraren eta umorearen arteko batura edertzat” jo zuen La Vanguardia egunkariak Los Pajaritos filma 1974.urtean.

ikusi

Esperientzia handirik gabeko telebistako zuzendari bat platoan aurkeztu da bere talde guztiarekin, José Zorrillaren Don Juan Tenorioren bertsioa nola banatuko den erakutsiko duen castingari aurre egiteko.

ikusi

1975an estreinatu zen telesaila izan zen Este Señor de Negro. 19 kapitulu izan zituen guztira, eta TVE-n emititu zen. Antonio Mingote marrazkilariak asmatutako Sixto Zabaneta pertsonaia da seriearen muina. Espainiako gizartearen balioak eta printzipio arkaikoenak irudikatzen ditu.

ikusi

Antonio Mercerok zuzendua, eta, besteak beste, Alfondo Godá, Luis Garcia Ortega, Walter Vidarte, eta Lorenzo Ramirezek antzeztutako obra da. Gidoia Antonio Mercerok berak egin zuen. 1977an estreinatu zen, Espainiako kate publikoan.

ikusi

Pablo Picassoren bizitzaz eta obraz egindako ibilbide bitxia da, Manuel Blasco Alarcon margolariak Malagako artistaren bizitza islatuz margotutako koadro txikiak ildo nagusitzat hartuta.

ikusi

Antonio Merceroren telesailik esanguratsuenetarikoa da. Andaluziako kostaldean girotuta dagoen drama familiar da, eta uda sasoiko oporrak igarotzen ari den nerabe koadrila baten abenturak ditu ardatz. Gazteez gain, emakume margolariak eta erretiratutako itsasgizonak pisu handia dute argumentuan. Telesailaren zuzendaria eta sortzailea izan zen Antonio Mercero.

ikusi

Autobiografiatik asko duen obra da La Noche del Licenciado. Norbanako bakoitzak bere etorkizuna libreki erabakitzeko duen aukeraz mintzo da, familiako esanek eta gizartearen jazarpenak erabakian eduki dezaketen eraginez.

ikusi

Oihartzun askorik izan ez zuen lana izan zen El Pueblo Sumergido. Halaber, hainbat kritikarik orduko argitalpenetan zehaztu bezala, mami askoko filma da, Antonio Merceroren oinarri izan ziren balore eta ideia ugari jorratzen baitira filmean.

ikusi

1980ko hamarkadako Madrilgo justiziaren eta delinkuentziaren munduari buruzko koadro errealista margotzen du serieak.

ikusi

Espainiako Estatuan orain arte ikusle gehien izan duen telesaila da Farmacia de Guardia, %48 ikusle-kuotarekin. 1991 eta 1995 urte arteetan grabatu eta aireratu zen telesaila izan zen, nahiz eta beranduago ere maiz emititu den.

ikusi

La Habitación Blanca oso sinplea da, ia tribiala. Gizon batek telebista berri bat erosten du, azken modeloa, gailuarekiko duen adikzioa elikatzeko. Temati saiatzen da protagonista (Chete Lera) bere familia konbentzitzen, erosketa egokia eta aurrerakoia dela sinetsi dezaten. Oso modu patetikoan gertatzen diren elkarrizketak dira.

ikusi

Manolito Gafotas zortzi urteko mutikoa da, eta oso ikuspegi berezia du: Madrilgo Carabanchel auzoan bizi da guraso, bere anaia ("El Imbécil" ezizenez ezagutua), eta aitonarekin.

ikusi