Antonio Mercero - Museo birtuala

Ikasketa garaiko lehen praktika izan zen, 1960. urtean. Horri esker kurtsoa pasatzea lortu zuen, lehen saiakeran, ohikoa ez zen bidetik. Ume baten istorioa kontatzen du La Oveja Negra laburmetraiak.

ikusi

35mm formatuan grabatutako lana da. Formatuan jausia emanda, beste esperientzia batzuk bizi izan zituen Mercerok. Edukia indartsuagoa da, umorea lausoagoa. Alta, umore beltzetik egiten du tira La Muerta lanean (1961).

ikusi

Eskolako bigarren urtean egiten duen lana da Pis, 1961an. 16 mm-tan grabatua, gags formatuan dago oinarrituta istorioa. Komunik aurkitu ezin da, gizon batek dituen larritasunak kontatzen ditu. Azkenean, kaletik doan herritar talde batek bere inguruan zirkulua egin eta bertan pixa egiteko gonbita egiten diote, ingurua babestuta dagoela ziurtatuz.

ikusi

Espainiako artearen inguruko lana da, zeinak umorea eta benetako pasarteak tartekatzen dituen. Bertan ageri dira, besteak beste, Altamirako marrazkiak, Sevillako Giralda, Granadako Alhambra…

ikusi

Trotin Troteras zinemagintza ikasketen amaierako lana izan zen. Arrakasta handia izan zuen film laburrak, eta Parisko Arte Bienalean saritua izan zen. 16 minutu irauten dituen lana da, eta nabari da erreferentetzat zuen Jacques Tatiren eragina.

ikusi

Toñinen lehen lan eguna kontatzen duen pelikula da Se necesita chico. Procusa ekoizle etxearen eskutik, Antonio Mercerok umorea erabiltzen du, beste behin, ikuslea bereganatzeko.

ikusi

Elegia por un Circo Antonio Mercero zinemagileak idatzi eta zuzendutako dokumentala da, Madrilgo Erregearen Plazako Circo Price desagertuaren historia kontatzen du, behin betiko ateak itxi aurretik egindako emankizunean.

ikusi

Albistegietako irudiz osatutako dokumentala da La Balada de Los Cuatro Jinetes, kutsu erlijiosoko musikaz lagundua. AEBtako arrazakeria, Vietnameko gerra eta trafikoko istripu nahiz hondamendi naturalek eragindako miseria salatzen du Antonio Mercerok, begirada zorrotz eta kritikoz. Apokalipsiaren lau zaldunek egindako bidaia baten kontakizuna da, espazioaren konkista irudikatzen dutelarik.

ikusi

Autoen tailer bateko jabea da filmeko protagonista. Mekanikako lanaz gain, merkatu beltzean ere aritzen da Antonio. Egun batean, bere auto garestian etxerantz doalarik, istripu larri baten lekuko izaten da.

ikusi

Mauro nekazaria da, eta Madrilerako bidaia bati egiten dio XV. mendean, bere aita hil ondoren, Illán osaba aurkitzeko.

ikusi

Miguel Delibes idazleak idatzitako El Principe Destronado liburuan oinarrituta dagoen filma da La Guerra de Papá. Antonio Mercerok zuzendu zuen. Arrakasta handia lortu zuen estreinaldian, baina ez zuen behar besteko oihartzuna lortu, prentsak film alderdikoitzat jo baitzuen.

ikusi

Tobiri esker, hainbat gai jorratu zituen Antonio Mercerok: esperimentazio zientifikoaren mugak, publizitatearen eta hainbat hedabideen arduragabekeria umeen erabileran, adin txikikoen erabilera merkantilista, eta ezberdinarekiko gizarteak zuen morboa, besteak beste.

ikusi

Belaunaldi arteko talka da La Proxima Estacion filmaren ardatza: gazteek sexualitatea bizitzeko duten moduaz mintzo da, eta egoeraren aurrean euren gurasoek hartzen duten jarreraz; moral kristauak ezarritako mugak; kanabisaren erabilera normalizatua…

ikusi

Lau mutil basoaren erdian galtzen dira eskolako irteera batean. Ekaitzaren erdian, abandonatutako etxe batera sartzen dira. Dracula, Hombre Lobo, Quasimodo eta Frankestein doktorea ezagutuko dituzte bertan. Munstroek jendartea izutzeko ahaleginak egin arren, jada ez dute helburua lortzen, eta galdutako ospea berreskuratzea izango da mutikoen zeregin berria.

ikusi

Espérame en el Cielo filmaren indar gune nagusia umorearen erabilera da. Frankismoa izanik gai nagusia, ohikoena beste ikuspuntu batetik lantzea litzake, neutroagoa, agian. Mercerok, ordea, bere betiko trikimailuak erabiltzen ditu gaia behar bezala lantzeko: umorea eta gizatasuna. Bi kontzeptu hauei esker, filmak arrakasta handia lortu zuen.

ikusi

Arkeologo talde baten eta herri oso baten arteko tirabira da El Tesoro filmaren ildo nagusia. Lehenengoek aurkikuntza historiko garrantzitsu bat egiten dute Gamones herrian. Bertako herritarrek aurkikuntza eurena balitz bezala jokatzen dute, indarkeria asko erabiliz altxorra defendatzeko. Herritarren eta hiritarren arteko lehia da.

ikusi

Kondairak dioenez, azaroaren 1ean Juan Tenorio jaunak bere hilobia utzi eta ekintza on bat egiten saiatzen da. 1991ko Sevillan, Don Juan hil eta 400 urte geroago bere helburua biziberritzen saiatuko da.

ikusi

Arte lan klasikoen jarraitzaile sutsua da Manuel anarkista gaztea. Madrilgo Prado Museoan zaintzaile bezala egiten du lan. 1936an Gerra Zibila hasi berritan, Espainiako Gobernuak Pradoko obrak Valentziara lekualdatzea erabakitzen du, ondare historikoa zaintze aldera. Manuelek Francisco de Goyaren erretratu bat berreskuratzea lortzen du. Filma Madrilen kokatzen da, gerraren hastapenetan. Maitasun istorio bat du oinarrian.

ikusi

Minbizia duten lau mutilen egunerokotasuna da Planta Cuartaren gai nagusia. Ospitalean bizi dira, gaixotasuna dela eta. Halaber, ausardiaz, imajinazioz eta umorez egiten diote aurre traumatologian pasa behar dituzten orduei.

ikusi

Madrilgo familia bat oporretara joaten da. Alaba etxean geratzen da, baina Ricardo aitona erresidentzia batean sartzen dute. Berehala egokituko da leku berrira, eta gelakide izango duen Andres jaunarekin ere harreman estua egingo du lehen egunak igaro ahala.

ikusi